E hecho cu awendia tin mas hende muher riba lista politico ta algo di aplaudi. Pero e hecho cu nos tin un lider cu ta un dama, ta algo grandioso, cual movecion a inicia for di 1949, ora cu Laura Wernet Paskel a subi lista politico e tempo ey pa eleccionnan di staten.
E prome eleccion tabata na 1949, pa ser exacto dia 17 di Maart 1949. E tempo ey, den un Aruba masha chikito, e tera no tabata fertil ainda pa pone confiansa den hende muher. Asina mes Laura Wernet a logra saca cu votonan como e prome dama riba lista politico.
JuffrouwLaura Wernet ta masha kere den Kadushi Largo. No ta pornada tambe cu e scol awendia ta carga su nomber. Su insipiracion ta keda biba semper den e bario, maske cu for di 1962 el’a fayece.
Den añanan anterior, e urna electoral na Kadushi Largo, ta esun cu mas tanto voto a wordo deposita. Na aña 2001, e urna na Kadushi Largo a totalisa 849 persona cu a bay vota. Ainda nos por corda cu e tempo ey, MEP a score un total di voto di 777.
Awendia, despues di 72 aña nos tin un lider femenina, Sra. Wever Croes, cu ademas di a bira nos promer minister, ta para awor dilanti un partido solido cu un ventaha enorme den eleccion di 25 di Juni 2021.
Pa esnan cu no conce e historia di Juff Laura Wernet Paskel, SOLO DI PUEBLO ta urgi tur famia, pa busca su buki, busca su storia, ya cu Juff Laura Wernet Paskel ta un gran inspiracion di pasion y lucha pa su pais, como tambe pasion y lucha pa su bario y su alumnonan.
