Na Curacao: Eduaard Braam mester a rectifica su acusacionnan di pedofiel contra Quinsy Girigroy
No solamente na Aruba tin hendenan ta lansa acusacionnan pisa y infunda den politica di pedofiel of pro pedofiel, pero na Curacao tambe.
Un politico Eduard Braam a acusa Quincy Girigory di a mishi cu mucha.
Quincy Girigory no a accepta e acusacion ey y a demanda un rectificacion pa cual Braam a rectifca.
Quincy Girigory a skirbi su reaccion:
Rektifikashon sr Eduaard Braam.
Den mi karera politiko mi a soporta hopi insulto i mentira. Mayoria di nan mi no a ni reakshona ariba, pa no duna nan mas balor. Sinembargo tin sierto mentira ku ta inakseptabel i mas si e wòrdu hasi dor di un parlamentario. E deklarashon di Sr Eduaard Braam djarason último tabata kompletamente inaseptabel.
Mi a tuma akshon legal, pa mi yunan no puntrami aki algun aña dikon mi no a hasi nada. M’a hasie tambe, pa tur e siudadanonan ku ta soporta e tipo di insultonan aki riba plataformanan sosial i no por tuma akshon.
E kultura di difamashon mester stòp!
Mi a tuma nota ku despues ku mi a tuma akshon legal, sr Eduaard Braam, djabièrnè anochi último, a rektifiká su deklarashon.
Mi ta spera ku mi akshon ta un paso den direkshon di stòp e kultura di difamashon. Sinembargo mi ta bai drenta den kòmbersashon ku varios stakeholder, pa yega na un solushon pa mihó protekshon di tur siudadano kontra e fenomeno aki.
Nota di Solo di Pueblo: Laga esaki ta un les na Aruba tambe pa tur, sea politico, fanatico of reportero, di tilda otro pa pedofiel of pro pedofiel, cu ta un acusacion cu bo no por hasi just pa smaak pa atacha otro.
