Diadomingo 7 di juli, na final di e encuentro Ban Topa di Partido MEP na e edificio di ATIA na Pedro Gallegostraat 6, a tuma luga e sorteo di e rifa ‘Ban Vakantie cu MEP’, pa recuada fondo pa Partido MEP.
Den presencia di Directiva di MEP y sostenedonan, e numbernan ganado a wordo saca y anuncia via e pagina social di MEP. Total 13.750 florin ta wordo reparti den 5 feliz ganado.
E numbernan ganado ta: 1. Prome premio: 33025: 10 mil florin cash2. Di dos premio: 35076: 1500 florin cash3. Di tres premio: 20342: 1000 florin cash4. Di cuatro premio: 02340: 750 florin cash5. Di cinco premio: 14269: 500 florin cash
Partido MEP un biaha mas ta busca sosten di sostenedonan di nos Partido pa e campaña pa eleccion 2025 y tambe un biaha mas pidi pueblo pa deposita su confiansa den Partido MEP pa otro 4 aña di gobernacion pa sigui cu e trabounan pa recuperacion, prosperidad y progreso di nos pais manera Gobierno ta bin ta haciendo despues di no solamento e disaster financiero cu e gobierno di Mike Eman a laga atras pero tambe durante y despues di e reto di mas grandi cu mundo a enfrenta cu ta e pandemia.
Den nomber di Partido MEP, Lider di Partido MEP ta gradici tur esnan cu un biaha mas a sostene nos Partido prestigioso cumprando rifa di ‘Ban Vakantie cu MEP’. Danki na tur candidato, na tur esnan cu a haci e rifa un exito. Pabien na e cinco ganado di nos rifa kendenan a gana placa cash pa yuda den e temporada di vankantie di scol. Nos ta desea cada mucha un Feliz vakantie di scol y cu cada un por goza sanamente y recarga cu energia pa e siguiente aña escolar. Danki pa e sosten.
