Den e area di e waf di Rotterdam, autoridad a detene dos sospechoso, cu a wordo haya cu un container den cual tabata tin 500 kilo di cocaina scondi, cu tin un balor di 38 miyon Euro, equivalente na 77.9 miyon florin.

E accion aki a tuma lugar diamars ultimo na Rotterdam cerca di e waf di Rotterdam. Dos homber a bay busca un container na un di e terminalnan y net a sali pa bay cu e container carga cu droga, nan a wordo para y aresta, ta trata di un homber di 44 aña di Roosendaal, kende tabata tras di stuur di e truck cu e container ariba. E otro ta un homber di 25 aña di Rotterdam cu tabata den un auto patras di e truck, e tabata sigui e truck.

E dos hombernan aki a keda deteni no solamente como sospechosonan di traficacion di droga, pero tambe como sospechosonan di fraude cu pincode. Esaki ta e forma cu criminalnan, segun e vocero di Ministerio Publico, por ta capas di yega riba waf di Rotterdam y coy containernan tambe cu no ta destina pa nan y bay cu e esaki nan. E cocaina den e container tabata tin un balor riba caya di 38 miyon euro.  E droga tabata scondi den un cargamento di anasa cu tabata procedente di Costa Rica.

Diabierna durante dia e dos sospechosonan aki mester a presenta dilanti Hues Comisario, kende a prolonga nan detencion cu dos siman mas. E droga mientras tanto a keda destrui. E interceptacion di e droga tabata trabou di e HARC team, cu ta un cooperacion entre Douane, polis di waf, FIOD y Ministerio Publico, e caso ta sigui bou investigacion

LEAVE A REPLY

Please enter your comment!
Please enter your name here