E Secretario General di e Organisacion di Nacionnan Uni (UN), Antonio Guterres, a afirma cu na America Latina “ta vislumbra un posibel gran crisis di debe soberano otro aña” debi na e gasto cu a genera den e paisnan di e region pa atende e pandemia.

E maximo representante di UN a participa dialuna den un cumbre virtual priva di hefenan di Estado y di Gobierno di Centroamerica, integrantenan di e Sistema di Integracion Centroamericano (SICA), unda cu analisa e situacion economico, social y ambiental frente e pandemia.

Segun Guterres, e crisis door di e coronavirus “lo amplia significantemente e gap di cinanciamento” den e region, loke cu por causa “un gran crisis di likides.”

E panorama aki ya a wordo poni riba mesa pa e Comision Economico pa America Latina y Caribe (Cepal) di NU den su informe 2020, unda cu ta referi na e obstaculonan cu e paisnan di e region lo tin pa haya e recuperacion di su economianan y e añanan cu lo tuma pa bolbe na e situacion prome cu 2020.

Concede mayor alivio

Frente e situacion compleho economico aki, Guterres a pidi na e Fondo Monetario Internacional (IMF) y Banco Mundial (BM) pa retrasa of cancela e cobramento di debe cu e paisnan Latinoamericano ta mantene cu e organismonan aki te na fin di 2021 pa “concede nan un mayor alivio.”

Pa Guterres, na e momento aki ta existi “e oportunidad di reconstrui atendiendo e debenan structural” y di “enfrenta un recuperacion economico cu ta priorisa e solidaridad y inclusion,” e pagina web di SICA ta recoge.

En cuanto e situacion economico regional, e propio IFM a proyecta un caida di 8,1% di e Producto Interno Bruto (GDP) di America Latina y Caribe durante e aña aki debi na e impacto cu coronavirus a causa.

Te cu awor aki, America Latina y Caribe ta suma casi 450 mil morto door di COVID-19 y mas di 13 miyon di persona a resulta contagia.

Den e region, Brasil y Mexico ta encabesa e cifranan mas halto di victima door di e virus aki, cu 173.120 y 105.940 morto, respectivamente.

LEAVE A REPLY

Please enter your comment!
Please enter your name here