ORANJESTAD, Aruba: Nagico su Road Service a duna un presentacion na Arco Iris su Kids R Kids Camp. Muchanan por a siña kiko tur Nagico su Road Service ta asisti cune den caso di emergencia den trafico y tambe na momento di accident.
Pa Nagico e tabata un oportunidad pa nos muchanan por a siña un tiki mas aserca di seguro y e importancia pa tur hende ta segura riba caminda. Nan a ricibi splicacion di loke e trabou di un asistente di Road Service ta consisti di dje, sea durante caso di accident of si un persona a lock yabi den auto, tin flat tire, falta di gasoline, etc. Por a presencia e comunicacion entre e asistente di Road Service y e Central di Road Service, alavez tur procedura cu nan tin cu cumpli cune pa asina completa nan trabou.
“E ta importante pa nos muchanan por conoce un tiki mas di con Nagico su Road Service ta asisti ora cu yega na situacionan cu auto di nan mayornan of conocir tin un emergencia. Asina e muchanan por expande nan conocimento y ta mas conciente pa loke ta seguridad den trafico” Rhona Noguera di Marketing a splica. “Y alavez pa nos muchanan por sinti nan mes un tiki mas sigur pa sa cu si cualkier situacion por presenta ariba caminda, cu Nagico ta semper obtenibel 24/7 yamando na e number 191” Rhona Noguera ta termina.
Danki na ta tur muchanan y maestronan di Kids R Kids Camp cu a ricibi Nagico atentamente.
Nagico ta desea tur muchanan y studiante hopi exito pa cu e aña escolar nobo!
