Despues di e sucedido di siman pasa, unda Speed Andrade a wordo agredi cu un mokete, su partner Paskel a declara cu nan a reflecciona y nan ta admiti cu nan ta haci bully.
El’a bisa cu nan lo bay baha man pa haci menos bully den 2025.
Pues, e hecho cu un persona a yega na tal extremo pa usa forsa fisico pa expresa su mes, a haya oido cerca Paskel, unda den un declaracion e ta bisa cu berdad nan ta haci bully.
E hecho ta cu sea bo ta haci bully of no ta haci bully. Haci menos bully, no ta corecto.
Trece noticia pa pueblo, semper por ta den tono alegre y chistoso, pero ora bay over na instigacion, “zwart maken van iemand”, daña number di hende, difama hende, esey ta converti su mes den bully.
Bully ta castigabel pa ley. Sinembargo Ministerio Publico a duna greenlight pa tur hende bully otro, pasobra nan no kier a atende mas di 50 keho over bully.
Esey a haci cu Paskel a sinti e debilidad di Ministerio Publico y a cuminza usa mas bully contra tur esnan cu e no ta gusta.
E carecteristica di esnan cu ta haci bully, ta bisa cu nan mes ta sinti nan mes chikito, of ta sinti nan menos. Nan ta crea rivalidad nan so cu nan so. Nan so ta cuminza compara nan rival y hopi ves ta pasobra cu nan ta chikito, ta hiba nan den tal extremo pa purba kibra nan rival.
Asina por a scucha Paskel recientemente con e ta biba bida di hende, ki negoshi tin, ki negoshi no tin, y ta manera un ‘redo den kapsalon’. Envidia, nan sentimento di ta menos, combina cu nan educacion cu nan a haya na cas, ta hiba nan pa bully hende muher den peor forma hamas nunca visto den media.
