Algun fanatico di boxeo a afirma di ta rabia cu e leyenda di peso pisa, Mike Tyson “a wordo horta di su victoria”, despues cu su pelea di regreso contra Roy Jones Jr. den Staples Center di Los Angeles (Merca) a wordo declara un empate.
Den e combate di exhibicion di ocho round celebra diasabra anochi, Tyson a demostra den ring su bon estado fisico y e poder den su glovenan dilanti su rival, cu a mustra bastante cansa.
Apesar di e superioridad di “Iron” Mike, huesnan di e Conseho Mundial di Boseo (WBC) a dictamina un empate y ambos boxeador parce di ta satisfecho cu e resultado.
Tyson y Jonmes Jr. a ricibi fahanan di WBC pa nan esfuerso, pero algun fanatico a mustra den desacuerdo cu e resultado.
Rednan social a yega di comentario cu a alega cu claramente Tyson lo tabata e vencedor den e base di e estadisticanan di e pelea.
“Tyson a domina claramente,” e periodista deportivo Rafael, a señala di “absurdo” e decision di e huesnan.
Riba e mesun liña varios experto deportivo a expresa, mientras cu otro fanaticonan a señala cu e fayo “tabata un robo”.
“Mi no por kere cu nan a horta Mike Tyson. Boxeo ta asina corupto,” un usuario a lamenta.
Un revancha?
Despues di e pelea, ambos veterano di boxeo a brasa otro y a sugeri cu esaki no por ta e ultimo.
“Mi ta feliz di tin esaki bao di mi faha y mi por sigui bay mas leu y haciendo mas,” Tyson a afirma, agregando cu e lo sigui participa den otro exhibicionnan, The Ring a recoge.
Di su parti, Roy Jones Jr. a mustra satisfecho cu e resultado, aunke el a reconoce cu e golpinan cu el a ricibi a cans’e.
“Ta nifica cu kisas nos tin cu haci’e di nobo, pero mi no sa,” el a añadi.
