Bloke di oposicion ta burachi of droga?
Siman pasa por a constata cu e bloke di oposcion, lidera pa AVP ta parce hendenan burachi of droga di algo. Por a constata cu nan ta haci masha hopi pregunta, como tambe critica y rechasa e ministernan nobo di pais Aruba. Cada un a bini cu cierto smoesje. Segun nan cu e ministernan lo no a pasa screening. Pero, unda nan voz ta pa cuestiona Benny Sevinger nan colega? Benny tabata un minister di Gabinete Mike Eman 1 y 2, cu a bay full for di rails, y a bay haci cosnan di corupto. Mientras e tabata cera den KIA, el’a participa na eleccion y awe tin un stoel hunto cu e bloke. Nunca nos a tende Rykont dos Santos bisa algo over di Benny. Alcontrario, e ta keto keto. Con por bay critica hendenan drechi cu a pasa screening di varios departamento y aproba pa goberandor? Anto di propio colega Benny ta keto keto?
Pues, sinta hunto cu Benny si ta okay? A bira ora pa parlamentarionan di AVP y di e Bloke di Mansur, pa cuminza dedica tempo tambe na Benny. Si nan no haci esey, ta pasobra sea nan tambe ta hinca den e baina di corupcion di tereno of nan ta aproba corupcion.
