Filipo a haya invitacion di Hesus cu a bis’e:”Sigui Mi”.Y Filipo na su turno a busca Natanael y bis’e:”cu nan a topa cu Esun cu e profetanan a papia di djE. Filipo a bis’e simplemente “bin mira”, abo tambe por topa cu’n hende manera Filipo cu’n invitacion:”ban misa, ban grupo di oracion, ban les di Bijbel:”bin mira, bin scucha”. Un encuentro personal directo cu Hesus, ta un encuentro real, un conocemento intimo cu Dios; unda Hesus su mirada ta conoce bo profundamente. Hesus a reconoce Natanael como un homber honesto sin mascarada y sin gañamento, Dios no ta mira aparencia sino e sinceridad berdadero di bo curason. Ora Natanael a sinti Su mirada, el a comprende y a profesa:”Abo ta e Yiu di Dios”. Hesus a bis’e cu e lo kere den cosnan mas grandi cu’n simpel señal. Un encuentro cu Cristo ta e comienso di un caminda spiritual yena di gracia y di revelacionnan continuamente. Y con abo lo reacciona dia e invitacion aki yega cerca bo?
Oracion: Señor, cu mi curason por keda semper sincero, honesto sin mascarada manera esun di Natanael pa Cristo nos Señor. Amen.
