E vocero di Avp ta hopi rabia cu e trabao di husticia pa loke ta e caso di Avestruz.

Recientemente el’a lansa su menasa contra Dienst di Landsrecherche, unda abiertamente ta manda bisa cu ora Gobierno cambia, lo laga weg tur e empleadonan for di e dienst aki.

Esey no ta tur, den su rabia, te hasta el’a comete opruiing contra e departamento ora el’a bay over na menciona tur e nombernan di e trahadornan.

Kico ta su meta? Causa un haatzaai, plama rabia den comunidad contra e polisnan aki ? Manda fanaticonan di Avp pa bay regla cuenta?

Un comportacion asina ta inacceptabel, di menasa y instigacion, unda kier hunga e gran macho, of menasa cu un poder cu e no tin.

Ta di compronde cu e por ta rabia di a wordo deteni pa landsrecherche y cera tras di trali algun dia pa a horta radio di polis, pa cual su propio colega a basha bao riba dje, unda el’a wordo castiga penalmente dor di huez. Pero esey no ta hustifica su menasanan contra personal di landsrecherche.

Ta mustra mas bien un cobardia! Pasobra si bo ta limpi, anto laga e proceso demostra esey! Pero cuminza grita manera mucha chikito, sapatia, grita ferosmente pa para investigacion, cu kier kita tur landsrecherche di trabao, ta pasobra bo tin cos di sconde!

Como vocero di AVP,  ta intrestante pa sa,  kico Robert Candelaria ta opina!

LEAVE A REPLY

Please enter your comment!
Please enter your name here