Esaki tambe ta un di e picanan cu ta bini den e caida di Adam, pasobra tur hende mester sa cu na e caida di Adam pica a drenta mundo y satanas a drenta cu henter su pakete di maldad, den un palabra bisa all inclusive, y hopi cos cu nos ta ripara awor aki ta crece y cada dia ta bira mas pio, ta cosnan cu tin siglonan ta andando, pero awor cu e binida di Cristo Hesus ta serca , nan ta manifesta mas, pasobra satanas sa cu tempo ta serca.
No ta pornada tin scirbi den 2 Timoteo 3:1-9 tocante tempo trabahoso, y kico ta tur locual lo manifesta den e tempo cu nos ta biba aki.
Pesey tin un Proverbio cu tur mayor mester tene cuenta cune, pasobra ora e proverbio aki wordo activa den Famia, hopi cos por cambia y hopi yiu ta wordo proteha.
Proverbionan 22:6 ta bisa:Instrui un mucha den e caminda cu e mester cana, y hasta ora cu e mester bira bieu, e lo no aparta su mes for di dje.
Den un palabra bisa , sinja e mucha e caminda di Dios, e palabra di Dios for di chikito, prome cu e yega e edad cu e por tuma decision pa su mes , pasobra pa falta di conocemento y rebeldia hende ta tuma decision robes, of ta scohe bida robes den cual nan no kier Dios, cu tur e comsecuencia cu ta bini cune.
Mescos cu palabra di Dios ta bisa mayornan den Efesionsn 6:1-4 pa lanta yui den e disiplina y instruccion di Senjor.
Tin un peligro masha grandi pasobra palabra di Dios ta bisa: esun cu rechasa e Yiu tambe a rechasa e Tata, pasobra esun cu tin e Yiu tin e Tata, mas fuerte e palabra di Dios ta corda nos den Juan 3:36 bisando: Esun cu kere den e Yiu tin bida eterno, ma esun cu no obedece e Yiu lo no mira bida, ma e furia di Dios ta keda riba dje.
Locual ta pasa awendia, cu hende tin mas miedo di locual hende por haci, cu locual Dios por haci, nan ta complace cu hende, den un palabra famoso bisa “Nan kier gosa bida” y ta lubida y rechasa e bida eterna cu Dios ta ofrece door di kere den Su Yiu Cristo Hesus ( Juan 3:16) cual ta algo cu hopi lo lamenta.
Den Romanonan 1:18-32 ta para scirbi kico lo pasa cu hende cu boluntariamente ninga di reconoce Dios.
Mescos cu den Hebreonan 10:26-31 tin para scirbi kico lo pasa cu esnan cu boluntariamente sigi peca despues di a ricibi e conocemento di e berdad.
Romanonan 1:18-32 ta splica bon cla cu hende cu boluntariamente, no ta hanja necesario pa reconoce Dios, Dios ta entrega nan na un mente perverso pa haci cosnan cu no ta cumbini, y tin 21 manifestacion menciona bon cla, pa tur hende mester sa dicon cos a cambia asina den karakter di hende.
Pasobra a ninga di reconoce Dios, pesey enbes di cos drecha, cos ta bira pio, te ora e decision cay personalmente pa drecha asunto cu Dios.
Ta for Romanonan 1:18- 32 Dios ta bini splicando den su palabra , tocante di su furia contra humanidad bon cla , tocante Su naturalesa Divino y su poder eterno pa ningun no tin excuus,
Pesey como mayor tin un demanda grandi pa lanta nos yui den caminda di Senjor for di chiki, y no cria mucha con cu ta, y no laga mucha haci lo cu e kier y bisa ta mucha e ta.
Sinceramente , Pastor Marcel Balootje
