New York Yankees ta Bari Boston Red Sox den Baseball di Grandes Ligas

0
103

DEPORTES – Diamars atardi a tuma lugar e serie di baseball di grandes ligas mas spera pa hopi fanatico, tanto na Aruba y hopi parti di mundo, e serie entre e dos rivalnan mas grandi di baseball Boston Red Sox y New York Yankees.

Un rivalidad cu tin hopi aña caba di ora cu Boston Red Sox a bende Babe Ruth cu New York Yankees caminda cu despues cu esey a pasa, Boston Red Sox a keda basta aña sin titula campeon, despues cu Boston Red Sox a kibra e “curse” e rivalnan a crece mas.

Diamars tabata tin wega di double header caminda cu den prome wega ambos ekipo a lucha duro, pero na final New York Yankees ta logra bay cu e victoria cu score final di 5-3.

Den e wega di anochi, tabata tin un duelo di pitcher, pero na final di wega, un biaha mas tabata New York Yankees ta logra bay cu e victoria cu score di 2-0.

Diaranzon anochi tabata e wega final y ultimo biaha den Yankee Stadium pa e aña aki, New York Yankees a presenta cu Andrew Heaney como nan pitcher habridor mientras cu Boston Red Sox a habri cu Nick Piveta como nan pitcher habridor.

Den cabez di prome inning, Xander Bogaerts ta pone Boson Red Sox ariba cu un homerun solitario y ta haci e wega 1-0.

Despues di esey Heaney a preta braza y no a permiti mas careda den e wega aki, mientras cu Nick Pivetta, e bateadornan di Yankees tabata tin hopi pasenshi na plato y den bom di dos inning a sa di score 4 careda.

E wega aki a termina cu score final di 5-2 y asina New York Yankees ta completa e sweep contra Boston Red Sox, fanaticonan a lanta cu e basora den man y a pasa basora contra ekipo di Boston Red Sox.

Cu e tres victoria nan aki New York Yankees ta pasa over na prome lugar riba tabla di Wild Card, mientras cu Oakland Athletics ta ocupa e di dos puesto di wild card.

3 luna pasa e situacion no tabata mustra favorable pa New York Yankees, pero na final di trade deadline a haci algun cambio cu te na e momento aki ta dunando su resultado.

Falta mas o menos 40 wega ainda prome cu campeonato termina, hopi cos por pasa.

LEAVE A REPLY

Please enter your comment!
Please enter your name here