Campeonato di Baseball di Grandes Ligas a continua den siman, caminda un di e serienan interesante ta entre New York Yankees y Seattle Mariners.
Ekipo di Yankees no tin su mihor drive ainda den campeonato aki manera su dirigente y fanaticonan a spera, pero ta spera cu hungadornan cuminsa reacciona prome cu all star break.
Den wega di diaranzon anochi, Seattle Mariners a presenta cu Yusel Kikuchi como nan pitcher habridor mientras cu New York Yankees a presenta cu Nick Nelson como nan pitcher habridor.
Ekipo di New York Yankees den cabez di prome inning a sa di anota 3 careda pa tuma ventaha mientras cu den bom di prome inning Seattle Mariners a corta ventaha anotando 1 careda.
Den cabez di dos inning Aaron Judge di New York Yankees ta conecta un homerun largo pa duna ventaha di 5-1 na New York Yankees.
Seattle Mariners a anota 3 careda den bom di 6 inning pa corta ventaha contra Yankees di 5-4.
Despues di aki, ningun di dos ekipo a logra anota careda y asina New York Yankees a bay cu e victoria cu score di 5-4.
New York Yankees a score 5 careda, a bati 10 hit y a comete 1 error, pitcher ganador a resulta Luis Cessa, mihor bateadornan pa New York Yankees a resulta Aaron Judge cu a bay di 4-2 incluyendo 1 homerun di 2 careda, Luke Voit cu tambe a bay di 4-2.
Seatlle Mariners a score 4 careda, a bati 3 hit y no a comete error, pitcher perdedor a resulta Yusel Kikuchi, mihor bateador pa Seattle Mariners a resulta Tom Murphy cu a bay di 3-2.
