New York Yankees ta kibra e mala racha contra Boston Red Sox

0
37

Den fin di siman, a inicia e di dos parti di campeonato di baseball di grandes ligas ora cu e rivalnan di tur tempo, New York Yankees a ricibi ekipo di Boston Red Sox den Yankee Stadium.

E aña aki, ekipo di New York no tabata den su mihor forma contra di Boston y a perde un total di 6 wega sigui prome cu e serie aki a inicia.

E serie aki tabata programa pa inicia diahuebs anochi, pero tabata tin awacero pisa cu a haci cu a suspende e wega di diahuebs anochi.

Diabierna anochi e serie aki a continua y aki, un biaha mas por a tuma nota di ekipo di New York Yankees tabata pasando den mal momento ora cu nan ta cay venci cu score di 4-0 y ta perde nan di siete wega sigui contra di Boston Red Sox.

Diasabra e serie aki a continua unda cu New York Yankees a presenta cu su pitcher estelar Gerrit Cole riba monticulo mientras cu Boston Red Sox a presenta cu Nathan Eovaldi.

Ambos pitcher a domina den e wega aki, cu pa motibo di posibel mal tempo a inicia 1 ora laat, pero na e momento ey awa no a yobe, asina cu e wega a inicia awa a cuminsa yobe, pero no fuerte, e wega tabata 1-1 te den bom di seis inning, caminda cu dos homerun sigui pa Gary Sanchez y Gleiber Torres a duna Yankees ventaha den e wega aki cu score di 3-1.

Ora cu tabata bay pa habri di siete inning, umpirenan a dicidi di para e wega ya cu awa tabata cay mas fuerte, despues di dos ora a dicidi di finaliza e wega y ya cu a pasa 5 inning e wega tabata legal y asina New York Yankees ta logra gana e prome wega contra di Boston Red Sox pa aña 2021.

Diadomingo anochi e serie aki a yega na su final unda cu New York Yankees a presenta cu Jameson Taillon como nan pitcher habridor mientras cu Boston Red Sox a presenta cu Martin Perez como nan pitcher habridor.

Mester menciona tambe cu ekipo di New York Yankees, hopi di su hungadornan estelar no ta hungando sea pa motibo di lesion y tambe tin algun hungador importante cu a wordo diagnostica cu covid-19.

Den e wega aki, e bate di Yankees tabata mas activo cu den e prome weganan y a logra anota un total di 9 careda, conectando 8 hit y a comete solamente 1 error.

Pitcher ganador di e ultimo wega di e serie aki a resulta Jameson Taillon cu ta logra su di 5 wega gana mientras cu Martin Perez ta perde e wega aki.

Boston Red Sox ta keda mantene prome puesto di division east den Liga Americana, pero ta ½ so ariba di Tampa Bay Rays cu ta den lucha pa yega prome puesto un biaha mas den campeonato, pa ekipo di New York Yankees, ta 7 wega atras for di prome lugar y ta mustra dificil di por yega playoff e aña aki.

LEAVE A REPLY

Please enter your comment!
Please enter your name here