ORANJESTAD – Despues di ricibi aprobacion oficial cerca Banko Central di Aruba, Banco Central di Corsou y St. Maarten y Autoridad Hulandes pa Mercadonan Financiero a base di a cumpli cu tur rekisito regulatorio, Navigator Insurance Consultants (NIC) a finalisa e adkisicion exitosamente riba 24 di december 2021.
Awor ku e adkisicion ta oficialmente completa, enfasis lo ta riba trece e organisacionnan hunto mediante un proceso rapido y fluido. E constelacion nobo lo garantisa continuidad y consistencia mediante integracion y retencion di e 2 teamnan di NIC y AON; e combinacion di e miho practicanan di ambos lo resulta den un nivel di servicio aun miho.
NIC ta un agencia di seguro 100% independiente cu oficinanan na Aruba, Boneiru, Corsou y St. Maarten y despues di e adkisicion ta conta awor cu aproximadamente 20 profesional. NIC su experticio y enfoke ta riba seguro comercial. Durante casi 30 aña di operacion exitoso, NIC semper por a conta ku dedicacion di su personal experencia banda di apoyo di su partner di clase mundial Howden Specialty, e agencia di seguro independiente por detal di mas grandi na mundo. Cu nan asistencia di hopi aña, NIC tabata y ta den un posicion unico pa ofrece seguronan na midi pa baha riesgonan comercial compleho na nivelnan aceptabel.
Ademas, cu e adkisicion actual, NIC ta converti su mes den un socio den e universo extenso di AON, e di dos agencia mas grandi di seguro por detal na mundo. Esaki aun mas lo haci posibel ku NIC por ofrece solucionnan riba tereno di cobertura di seguro comercial, y hasta solucionnan ku no tabata existi anteriormente, fortificando NIC su posicion como lider den seguro comercial na beneficio di tanto clientenan actual y futuro clientenan komo e comunidadnan local di cual NIC orguyosamente ta forma parti.
NIC a crece alrededor di añanan danki na su team cu ta consisti di tantu profesional local como internacional y ta convenci cu e team combina nobo lo ta igualmente comprometi pa ofrece servicio excelente pa asina por satisface necesidad di cada cliente a base di solucionnan na midi. NIC ta boga pa duna cada cliente e nivel maximo di confiansa percurando pa e polisa cu e cliente aproba ta cuadra completamente cu loke e cliente ta spera. Apesar di e crisis di Corona, NIC tin confiansa ku nan lo sigui crece den 2022 y lo ta presente pa sostene nan clientenan y e comunidadnan ku nan ta sirbi den malu y den bon kico cu pasa, manera semper nan a haci.
Pa mas informacion, por fabor drenta den contacto cu Gamir Ruiz na e-mail gamir@navigator-insuranceconsultants.com of durante ora di oficina na +297 583 1844.
