Botica Eagle ta recibiendo comunidad di Aruba pa un biaha mas pa e ultimo paar di inscripcion habri diabierna awo, 7 di november entre 5pm y 8pm pa asina busca shirt y BIB pa e di 8 edicion di Diabetes Run & Walk 2025.
Den colaboracion cu CMB N.V., Punta Brabo Diagnostics y Subway, Botica di Servicio ta organiza e di 8 edicion di Diabetes Run & Walk lo tuma lugar riba diadomingo, 16 di november 2025 cu e meta di recauda fondo y tambe trece consientisacion pa diabetes. E fondo lo bai na Jump18 pa e di tres aña ehecutivo pa asina nan por continua cu nan cohort unda nan ta enfoca riba un miho estilo di bida pa muchanan cu obesidad y na riesgo di diabetes. Dr. Busari, hunto cu su team, ta guia e esfuerzo aki pa medio di workshops y otro iniciativanan practico pa trece un cambio positivo y na largo plazo pa e muchanan y nan famia.
E evento aki ta educa personanan pa con maneha nan diabetes di miho forma y tambe pa asina motiva e comunidad na Aruba pa adapta na un estilo di bida mas saludabel. Diabetes ta sigui ta un problema serio riba nos pais, di cual e porcentahe di personan cu diabetes ta casi dobel e porcentahe di e populacion mundial.
Ainda por registra riba diabetesrunaruba.com y haci bo pago diabierna awo na Botica Eagle y pasa busca bo shirt. Forma parti di e evento aki dia 16 di november, 2025 y laga nos tur bin hunto pa un miho estilo di bida!
