Y trahando hunto cun’E nos tambe ta roga na boso,pa no ricibi e gracia di Dios en bano: Pasobra E ta bisa. Den e tempo aceptabel Mi a scuchabo, riba e dia di salbacion Mi a yuda bo,mira awor ta e tempo aceptabel, mira awor ta dia di salbacion.( 2 Corintionan 6:1-2).
Tur cos ta mustrando bon cla cu e binida di nos Senjor Cristo Hesus.
Tur locual ta para scirbi den Mateo capitulo 24 y 25 ta cumpliendo.
Tur locual ta para scirbi den Lucas capitulo 21 ta cumpliendo.
Locual ta para scirbi den 2 Timoteo 3:1-9 ta tumando lugar awor di dia cla bao di nos nanishi.
Locual ta para scirbi den Galationan 5:19-21 ta djis un recordatorio pa hende no bisa nan no tabata sa.
Mescos cu locual ta para scirbi den Romanonan 2:-5 ta pa tur hende sa cu locual bo sembra bo ta cosecha.
Dios den Juan 3:16 ta duna tur hende oportunidad igual, pero den Juan 3;36 e ta recorda tur hende cu Dios no ta haci wega.
Pero nos tur sa cu e diabel ta e gran mentiroso, pero a yega tempo pa tur hende realisa: Cu nos no por keda sin cumpli cu e boluntad di Dios, y tira falta riba diabel, pasobra ta tempo perdi.
Nos bida ta pertenece na Dios, nos curpa ta tempel di Dios, y hasta ora nos muri nos spirito ta bolbe bek cerca Dios, awor te ainda tin hende cu no ta compronde, of no kier comprende, of ta rebeldia contra e palabra y nan ta hinca nan bida cada dia mas den scuridad.
No gaba tocante e dia di majan, pasobra bo no sa kico e dia di majan por trece. (Proverbionan 27:1).
Ma busca prome e reino di Dios y Su husticia, y tur e cosnan aki lo wordo anjadi na boso. Pesey no preocupa cu e dia di majan, pasobra e dia di majan lo percura pa su mes. Cada dia tin suficiente problema di su mes.( Mateo 6:33-34).
Ma Dios a bise; Abo, bobo! Awenochi mes bo alma , lo wordo exigi for di bo, y awor ken lo bira donjo di locual bo a prepara?( Lucas 12;18-21).
Tin hopi hoben ta pensa cu nan ta mucho jong, pa entrega nan bida na Cristo Hesus, hopi di nan ta pensa cu nan tin cu gosa di nan bida prome, y cu nan mester parandia, bebe, y tur otro clase di bagamunderia.
Pero e berdad ta cu nos bida no ta di nos, nos bida ta fia serca serca Dios, ta Dios solamente sa ki dia e ta duna y ki dia e ta tuma,laga nos no biba pensando cu tin tempo, y cu majan cu Dios kier lo mi drecha cu Dios.
Ta tempo ta arepenti y sali for di maldad, sali for di inmoralidad, sali for di abominacion, sali for di crimen organisa, stop di cana cu arma, stop di busca violencia, stop di ganja, stop di haci redo.busca Cristo Hesus y entrega bo bida awe mes na Senjor, pasobra majan no ta prometi na ningun hende.
Esaki ta e dia cu Senjor a traha, laga nos regociha y ta contento den dje.( Salmo 118:24).
Ken cu kere den su curason y confesa cu su boca cu Cristo Hesus ta Senjor y cu Dios a lante for di mortonan lo ta salba, pasobra cu curason hende ta kere pa hanja husticia,y cu boca e ta confesa pa hanja salbacion.( Romanonan 10:9-10).
Esun cu kere lo no keda brongosa.
Esun cu no kere ta condena caba,( Juan 3:17-18).
Sinceramente, Pastor Marcel Balootje
