Y asina manera esnan cu a wordo scohi di Dios,santo y stima,bisti un curason di compasion,carinjo,humildad,mansedumbre,y pasenshi.Y boso soporta otro y pordona otro, si un di boso tin keho contra otro, mescos cu Senjor a pordona boso, asina boso tambe mester haci. Y ademas di tur e cosnan aki, bisti amor, cual ta e laso perfecto di unidad.( Colosensenan 3-12-14).
Hopi biaha despues di un separacion, bo ta hanja cu dos hende ta cana tur caminda y papia malo di otro, enbes di pordona otro y asina avansa den bida. Esun cu ta pordona ta avansa, pero esun cu no ta pordona ta keda amarga, y cu un letania den su bida , cual e mes ta pone como marca di strobacion.
Ora un hende pordona e ta progresa, pasobra e ta ricibi libertad di Dios, pero ora un hende no ta pordona, Dios tampoco no ta pordone,( Mateo 6:14-15) pasobra nos tur sa cu hende cu no ta pordona di curason ta keda pega den tempo y nan falta di pordon lo bira stress y depresion pa nan.( Mateo 18:35).
Ningun hende tin drechi di kibra otro, y especialmente usa fout di otro pa asina tuma ventaha riba nan bida, esun cu ta kibra su prohimo ta kibrando su mes.
Esun cu ta anda cu hende sabi lo ta sabi,ma un companjero di hende bobo lo sufri danjo.(Proverbionan 13:20).
Sabiduria ta pone tur cos den man di Dios, y haci hopi oracion, pasobra cos cu hende no ta mira, Dios si ta mira, y Dios tin poder pa restaura tur cos.
No bisa “ Lo mi paga maldad bek” spera riba Senjor y E lo salbabo.( Proverbionan 20;22).
Comprende esaki, mi rumannan stima. Tur hende mester ta lihe pa tende, no lihe pa papia,y no lihe pa rabia, pasobra rabia di hende no ta produci e hustisia di Dios. Pesey poniendo un banda tur sushedad y tur loke ta keda di maldad, den humildad ricibi e palabra cu a wordo planta den boso, cual por salba boso almanan.( Santiago of Jacobo 1;19-20).
Pesey poniendo un banda, tur malisia,y tur enganjo y hipocrecia,y envidia y tur calumnia,mescos cu yuinan recien naci anhela na e lechi puro di e palabra, asina cu pa medio di dje boso por crece den salbacion, si boso a purba e carinjo di Senjor. ( 1 Pedro 2:1-3).
E aumento di maldad y inmoralidad a fria amor di hopi hende pa otro y tambe a fria e amor di hende pa Dios, pasobra ora un hende ta participa den inmoralidad y maldad boluntariamente den su sano huicio, esey ta nifica cu e no tin temor di Dios, e ta haci bofon di Dios, y e ta cambia berdad pa un mentira, pesey ta masha importante pa un persona asina bolbe riba e caminda di Dios,pasobra Hebreonan 10:26-31 ta para scirbi: Ta un cos teribel pa cay den man di e Dios bibo.
No sea conforme e mundo aki, ma sea transforma pa medio di renobacion di boso mente, pa boso por comproba kico ta e bon y agradadel boluntad di Dios.
No paga malo cu malo, no chercha hende pasobra e no por alcansa locual abo kier, no pone carga riba hende cu abo mes no kier carga, trata hende bon, y trata hende manera bo kier pa hende trata bo, pasobra no lubida, Dios no ta cabisha, ni tampoco e no ta drumi, pasobra cu mesun midi cu bo midi lo bo wordo midi.
No perde tempo desea malo pa hende, pasobra Dios ta esun cu conoce curason di hende.
Sinceramente, Pastor Marcel Balootje
