Na caminda nos dilanti
Dia di Gracia
Fiesta di Sinterklaas
Brinda e dianan aki cu fe, alegria y elegancia
Pasobra despues ta bin mas dia pa tene cuenta cu n’e
Cu celebracion di Pascu y Anja nobo
Sin lubida riba Carnaval
Corda shonnan, Cada Dia ta un dia regala, unico y special
Purba di carga pasenshi
Pa e dia faborito di bo yega
Di pega pluma cu steenchie
Di dorna bo carosa
Laga bo curason gosa
Di cada celebracion
Tur tin algo bon
Ta parti di nos tradicion den nos cultura
Nos sanger ya ta kishiki
Laga Carnaval pa un rato posponi
No ansha, no pura
Concentra riba duna danki
Si un dia cu salud mas bo a ricibi
Duna nos chikitinnan e fiesta di Sinterklaas
Sin spanta nan
Canta cu nan
Preparanan y comparti
Den famia uni
Cu un curason habri Traha lugar pa Christo Jesus den bo bida
Cu amor pa stima
Sperando riba Pascu di nacemento
Cu ta e Dia di mas bendiciona y contento
Cu paz den cada hogar
Cu paz den cada alma
Pospone pa un rato mas e fiesta di carni vulgar
Y laga e alegria di Pascu calma
Cende y plama den bo scuridad e luz cu nunca ta paga.
Ruthy Lady Ruth Vrieswijk Bergen





