Esun cu pone Dios na prome lugar, su cas lo florece, pero esun cu ta peca conscientemente, ta haci su mes bida un fierno.
Ora un hende sa cu ta malo e ta haci pero e ta sinti dushi den su maldad, e ta broma den su maldad, e ta hacie tur caminda manera e no sa kico e ta haci.
Haciendo cherche di Dios y di su famia, esey ta locual un homber of un muher den adulterio ta haci, presentando na grandi tur caminda cu e persona, cu tur hende sa cu no ta nan casa legitimo, y haciendo manera e ta algo normal, e persona ey ta sinti su mes comfortabel den pica, e cos a bira un custumber.
Pasobra e pago di pica ta morto, ma e don di e gracia di Dios ta bida eterno den Cristo Hesus nos Senjor.( Romanonan 6:23).
Laga esun cu ta horta no horta mas, ma mas bien,laga e traha, haciendo cu su mes mannan loke ta bon,pa e por tin algo pa comparti, cu esun cu ta den necesidad.( Efesionan 4:28).
E spirito di golosidad pa placa tin hopi hende domina, hende nan cu ta pensa cu ta solamente malo nan por haci pa yega na placa, nan ta bay sera pa droga, sali bek y sigi bende droga na gran escala manera ta esey solamente nan por haci pa nan por biba.
Den Romanonan 1:18-32, ta splica nos di hendenan cu conoce e ordenansa di Dios, pero toch ta sigi haci locual ta contra e palabra di Dios, ta trose e palabra y cu no kier biba segun e principionan di Dios, y ta splica tambe kico Dios ta haci den nan bida, pasobra nan no a hanja ta necesario,pa reconoce Dios.
Tur hende mester sa cu nan curpa ta tempel di Dios y cu e Spirito di Dios ta biba den bo, cu bo no ta di bo mes y cu bo a wordo cumpra, pa un preis, pesey glorifica Dios,den boso curpa.( 1 Corintionan 6;19-20).
Tur hende mester sa cu e obranan di carni ta hiba hende na perdicion, pasobra e palabra di Dios ta bisa cu esnan cu ta practica sorto di cosnan asina lo no hereda e reino di Dios.( Galationan 5:19-21).
Tur hende mester cu e palabra di Dios ta bisa : Aspira pa tin pas cu tur hende y santificacion, sin cual ningun hende lo no mira Dios. ( Hebreonan 12:14).
Nos ta bibando den un tempo cu nos tur ta ripara cu esun cu no kier tende lo sinti, pasobra Dios nos ta ganja, Dios ta fiel y Dios ta firme, yen di misericordia, pero e no ta tolera pica, Dios ta yama tur hende na arepentimento.
Tur hende mester comprende cu no ta necesario biba den pica, inmoralidad, abominacion,y bagamunderia, sabiendo cu bo ta den maldad, y ta hunga rol di victima bisando cu hende ta husga bo.
Lamentablemente tin hende cu gusta biba un bida desordena, pero ta lubida cu Dios, ta un Dios di orden, caminda tin desorden e presencia di Dios no tey.
Cada biaha cu hende ta papia malo y murmura ta diabel ta huur nan boca, y pone nan papia cosnan cu no ta cuadra, aunke nan sa cu no ta berdad, y cu nan ta sali for di boluntad di Dios. Toch nan ta persisti pa keda den maldad.
1 Juan 1:9 ta para scirbi: Si nos confesa nos pica E ta fiel y hustu di pordona y libra nos di tur inhusticia.
No laga pica domina bo bida.
Sinceramente Pastor Marcel Balootje
