Cuerpo policial a haya hopi critica cu a cera bar, rumshop, club nocturno y restaurant. Awo un carta a sali for di e Aruba Food & Beverage Association den direccion di Prome Minister y tambe pa e alto comisario di polis, indicando esaki nan disgusto. Alto comisario Interino Vanessa Tjon-Kock a splica cu hopi hende no ta realisa kico a pasa diaranson. Den un fraccion di seconde a haya cu un cantidad di contagio masha grandi y no ta descarta cu esaki lo bay bira mas grandi, mirando awor aki tur e desaroyonan cu tin riba e tereno aki. Tin di bisa, cu e momento ey e crisis team a tuma e decision pa bin cu cierto medidanan estrictamente pa diaranson, a base di leynan. Pesey a bisa tambe cu no ta bay pa actuacion di polis a lo loco. Ta haci’e conforme nos leynan prescribi. E no tabata un eror manera cu prensa a indica, pero si tin di bisa, cu tabata tin e discusion si, cu segun Tjon-Kock lo bay bin e parti si ta bar, si ta restaurant, etc. E punto ta, cu esakinan ta bay wordo palabra y tambe deliberadamente ta bay wak den ki forma cierto luganan por habri. No por bisa esaki awor aki pasobra ta algo cu den e crisis-team, e maneho, conhuntamente tin cu dicidi esaki cu lo pone pa esaki.
