E keho di Polis, “Bureau Crimineel Inlichtingen” haci na aña 2018/2019 contra Otmar Oduber, basa riba informacion cu nan a “tende”, no ta dispone di prueba. Esey huez comisario a bisa recientemente y como cu no tin ningun prueba, no por tene Oduber cera.

Den e caso recien di 18 di Mei, unda huez comisario mester a evalua si ta tene Otmar cera, a bin sali mas informacion na claridad di e caso:

Caso Spirito di Marisol

Remarcabel ta cu di Caso Flamingo, cu ta over e keho di BCI-polis, a bini aserca un otro caso, cual ta trahadornan spirito, cu ta e denuncia di Marisol Lopes Tromp. Nos no sa si e caso tin un nomber, pero ban jame Caso Spirito di Marisol.

Loke a bin sali na claridad, ta mustra cu den ningun di dos caso, tin prueba cu Otmar a comete delito. Esey ta palabranan di huez comisario.

A overhoor Otmar 7 bes den 10 dia, solamente riba Caso Spirito.

Pa e caso di tereno, a bin sali na cla cu den su file, no tin nada. Solamente un “storia” di BCI, pero sin ningun prueba. Huez Comisario a bisa cu e no por usa e keho di BCI pa sigui tene Otmar cera y pa colmo no tin prueba pa substancia e keho di BCI.

E desicion aki di huez comisario ta duna e caso full un buelta; Di loke a spera di ta corupcion cu tereno, a bin sali na cla cu e file di Ministerio Publico ta chikito, sin nada relevante.

E desicion aki no nifica cu e caso a cera, e investigacion ta sigui, pero e ta duna un indicacion si, kico tin.