Norway y Hulada ta empata den weganan di clasificacion pa Copa Mundial 2022

0
25

Diaranzon atardi weganan di clasificacion pa Copa Mundial Qatar 2022 a continua den zona di Europa (UEFA) unda cu seleccion di Hulanda a mira accion contra di Norway.

Hulanda ta forma parti di grupo G y tabata na di dos lugar cu 6 punto prome cu e wega a inicia, mientras cu Norway tambe tabata tin mes un cantidad di punto, pero cu averahe di gol menos cu Hulanda.

E wega aki a inicia y Hulanda na comienzo tabata tin e mihor wega, nan tabata contra ataca masha hopi mes riba gol di Norway, pero no a logra yega na e gol di ventaha.

Tabata na di 20 minuut riba un contra atake di Norway Stefan Strandberg ta duna Eric Haaland un pase perfecto cu ta score e prome gol di wega pa asina duna Norway ventaha cu score di 1-0.

Hulanda a sigui presiona y na di 37 minuut Georginio Wijnaldun ta duma Davy Klaasen un bon pase cu ta empata e wega 1-1.

Asina prome mitar a bay den descanso cu score empata 1-1.

Den di dos mitar Hulanda tabata yega cu mas peliger pero no a logra anota e gol di ventaha y asina tambe e wega a termina cu score empata 1-1.

Cu e empate aki, Hulanda ta keda na di dos lugar di grupo G, cu 7 punto, pero tin mihor averahe di gol contra Norway cu a cay na di 4 ya cu Montenegro a yega 7 punto cu mihor averahe di gol cu Norway.

Na prome lugar di e grupo aki ta Turkia cu a keda empata cu Montenegro cu score di 2-2 y tin 8 punto.

LEAVE A REPLY

Please enter your comment!
Please enter your name here