Dialuna mainta y siman nobo cu luna nobo ta habri caminda Departamento di Agricultura, Cria y Pesca, Santa Rosa a despedí di otro colega y amigo. Su nomber ta Cornelio “Esy” Dirksz kende ta forma parti di nos departamento for di aña 1999. Sr. Dirksz a drenta como contratado y después a drenta den función oficial di gobierno di Aruba. Por bisa 27 aña di servicio di gobierna aki na Santa Rosa. Asina “Esy” su nomber di cariño manera nos ta yame. Ela labora semper den e sección di agricultura/horticultura. Tabata dos celebración den uno pa motibo cu awe ta su fecha natalicio. Cual nos ta felicite tambe. Un persona semper amabel y un persona cu nunca por a mira “Esy” rabia. Semper cu un sonrisa y cla p ayuda tur cliente cu yega aki na Santa Rosa. Semper dedica na su trabou di tur día y semper masha cumplido. Asina ela pasa su añanan aki den Santa Rosa y te cu día di awe caminda a yega e momento pa bai difruta di un pensioen bon mereci.
Dialuna mainta a prepara un momento masha bunita y special y ricibi’e. Cu decoración pa asina felicite y gradici’e pa e trabounan di tanto aña desplega aki na Santa Rosa. Director di Santa Rosa sra. Nathalie Maduro a hiba palabra na e ocasión aki caminda a repasa den cortico e bunita experencianan cu nos colega “Esy”. Logicamente a prepara un binita regalo cu su nomber e fecha graba pa e por hiba como recuerdo. Despues di esaki a sigui un celebración chikito caminda cu tabata tin pasaboca y cos dushi entre coleganan.
Den nomber di Staff y Personal di nos departamento nos ta gradici Cornelio “Esy” Dirksz pa su esfuersonan hasi durante tanto aña y sigur awo e por bai disfruta di un bon pensioen y merecidamente.
