E “periodistanan” Taliban un bes mas ta traha nan propio storia di fantasia.
No tin ningun detencion cu a tuma lugar den cas di Minister President manera cu falsamente AVP24 kier trece dilanti.
Pareha di yiu muher di Sra. Wever Croes no ta biba na cas di Promer Minister.
E pareha ya ta den libertad:
Tabata dia 5 di December cu el’a wordo yama pa wordo interoga y voluntariamente el’a acudi na warda di Shaba unda el’a keda deteni, pero despues di 3 dia, el’a sali liber, pues desde 8 di december. Pues e tin 12 dia caba den libertad mientras AVP24 ta trece como un noticia di awe, 20 di december.
E pareha di e yiu muher tambe tabata presente dia di e pelea cu Nigel Williams na Azia Restaurant.
Pues por remarca cu AVP24ORA di tur manera kier keda draai tur noticia, causa sensacion, cu e unico motivacion cu te ainda nan no por accepta ni soporta cu AVP a perde eleccion danki na nan estilo di trece noticia falso y di lastra hende na manera cochino.
Fact check:
Ta berdad cu e persona ta pareha di e yiu muher y tabata detene pa 3 dia, pa cual dia 13 di december ta liber.
Ta mentira cu el’a wordo deteni na cas di Promer Minister y tambe cu e ta biba na cas di Sra Wever Croes.
Aki por conproba cu Prome Minister no tin nada di bisa den investigacion policial. E no por pidi pa cera hende o laga di cera hende. E acusacionnan cu e ta dirigi investigacion policial ta gritonan bashi y puro estupides.
Por nota cu dia pa dia AVP24ORA ta mas y mas desespera den produci noticia falso y baho pa rasonnan politico.
