Nos mester percura pa den tur cos cu nos ta haci envolvi Dios, duna Dios su parti, no planea nada y laga Dios keda afo, no apoya bo mes riba bo propio sabiduria, ma respeta Dios. Pasobra Dios ta Soberano y nos mester dune tur honor y gloria.
Si nos ta planea algo pa yuda hende, Dios mester ta den pasobra E ta nos gran ayudado, tur terapia sin Dios, ta keda na terapia, pasobra e gran terapista di nos bida ta Cristo Hesus, serca dj’E tur hende por hiba nan carga y nan cansancio, no ta importa e grandura, tampoco cuanto tempo bo tabata cansa, Hesus lo tuma bo carga y haci bo liber.
Hende cu kier haci cosnan carnal, caminda nan ta buscando gloria pa na mes, no kier invita Cristo Hesus den nan proyecto, nan ta traha manera politico, manera polticamente, ta wordo bisa, ta nos partido a haci’e, ta ami a haci’e, si no tabata pa nos e cos ey lo no a sosode.
A yega tempo pa hende reconoce cu sin Dios nos no ta nada, e presencia di Dios den nos bida ta haci e diferencia, Dios ta pone e cherry riba e bolo, pasobra Su Palabra ta Su presencia.
Boso ta Mi amigo si boso haci loke Mi ta ordena boso. (Juan 15;14).
Si un hende stima Mi e lo warda Mi palabra, y mi Tata lo stime, y nos lo bin biba serca dje.Esun cu no ta stima Mi no ta warda Mi palabranan, ( Juan 14;23-24).
Un hende cu ta tene e palabra di Dios for di su bida ,no ta cana den e berdad, no ta cana den e lus di Dios, y no ta stima Dios, pero e ta stima su mes, y kier haci tur cos pa su mes y no ta interesa den yuda ningun hende
Ma sea cumplido di e palabra, no solamente tendedo nan cu ta ganja na mes.( Santiago 1:22).
Si nos ta tende e palabra y no ta obedece e palabra no tin crecemento pa nos, pasobra ta e palabra ta duna crecemento spiritual y guia den nos matrimonio y nos famia.
Senjor su bista , Su man ta riba esnan cu ta obedece Su palabra, esnan cu no ta desvia for di e proposito cu Dios a yama nan.Senjor conoce ken ta esnan cu ta di dj’E y E ta yamanan pa nomber.
E tempo cu nos ta bibando aden ta exigi obediencia na Dios, pa asina nos ricibi locual cu nos a pidi Dios, pasobra desobediencia ta kibra comunicacion, y nos ta core risico pa aparta nos for di e berdad.
Den nos obedencia nos ta demostra nos amor y confiansa den Dios, pasobra ta nos fe y nos obedencia ta yuda nos para firme den caminda di Senjor, obediencia ta e yabi pa nos bida spiritual.
Como yuinan obedecido, no conforma boso cu e pasionnan cu boso tabatin antes den boso ignorancia, ma mescos cu Esun Santo cu a yama boso,boso mes tambe sea santo den tur boso conducta,pasobra ta para scirbi: Boso lo ta santo , pasobra Ami ta santo.( 1 Pedro 1:14-16).
Obedece Mi bos y lo Mi ta boso Dios y boso lo ta Mi pueblo,y boso lo cana den henter e caminda cu mi ta ordena boso, pa bay bon cu boso.( Jeremias 7:23).
Desobediencia ta trece tristesa, ta trece dolor, ta trece preocupacion, hende desobediente tur ora tin miedo den tur cos, pasobra nan no ta obedece e palabra di Dios y duda ta yena nan curason.
Obediencia, ta trece bendicion.
Sinceramente, Pastor Marcel Balootje.
