E presentacion renombra di “ODA NA REMBRANDT” di e artista di caya di Deventer Gustave Nouel lo wordo presenta un biaha mas dia 19 di juli na plaza Grote Kerkhof, banda di misa di Lebuïnus. *Stichting Kunst en Cultuur aan de IJssel* (Fundacion Arte y Cultura na IJssel) un biaha mas ta dunando e famoso artista Arubiano (gustavenouel.nl) e oportunidad—hunto cu su alumnonan y otro artistanan di DAK (https://www.deventeramateurkunstenaars.nl/)—pa deleita e publico cu portretnan. performance, y mas creatividad, durante e mercado di arte regional, fungiendo komo un galeria di arte pop-up riba caya.
Como cu Gustave tabata na Aruba e luna di mei cu a pasa, e ‘veiling’ di caridat plania di e pintura “ODA NA REMBRANDT”—pinta originalmente riba plaza Brink—no por a tuma luga. E actividad promocional ei por sigui riba plaza Brink (‘kunstmarkt’ di arte mas grandi di e region) na 2027, den oranan lat di atardi, si Paul Moerkerken di e *Stichting Kunst en Cultuur aan de IJssel* dicidi atrobe di organis’e e ora ei.
E pintura di performance “ODA NA REMBRANDT” di Gustave dia 19 di juli banda di e Misa di Lebuïnus, lo no ta na benta, meskos ku añanan anterior. (un “pintura di kaya” inspira pa un ‘zelfportret’ di Rembrandt van Rijn, e pintor di potret mas famoso di tur tempu, un speedpainting como “ODA NA REMBRANDT”). Como ‘stunt’ artistanan entrena pa Gustave Nouel como “street portraitists” lo sketch potretnan rapido di publico interesa a cambio di un contribucion boluntario. Publico mes ta dicidi e prijs!!
Pintor Gustave Nouel a caba di regresa for di Aruba, unda el a cuminsa traha riba 2 pintura nobo pa Museo Biblico den un “atelier den misa” prepara specialmente p’e. Museo Biblico tin 10 di su obranan caba den nan coleccion, desde siglo pasa. Su pinturanan Biblico tin biaha hasta ta wordo discuti profundamente durante sesionnan di estudio di Bijbel na Aruba. Gustave a wordo invita pa Kerki Protestant Arubano (pa medio di Rev. Kees Mos) pa ehecuta e “mision di arte” special aki (*Pro Deo*). Mientras Gustave tabata eynan tambe a sondea posibilidadnan pa loke ta trata un museo di arte na Oranjestad cu lo organisa proyectonan di arte internacional cu ta conta cu obranan di Nouel y otro artistanan renombra di Aruba. E proyecto di museo Arubano proponi aki, cu tin como meta pa fomenta colaboracion cultural dentro di Reino y mas leu, ta gosa di sosten completo di tanto gobierno di Aruba (Departamento di Cultura) como di ATA (sector di turismo). Notablemente, obranan di Nouel ta inclui den coleccionnan di varios museo den varios pais for di siglo pasa. Ora Gustave wordo invita bek pa completa e dos pintura pa Museo Biblico na Aruba, e tambe ta prepara pa asisti cu e otro plannan y proyectonan museal.
E renombra artista Arubiano cu sede na Deventer sin duda lo acepta un invitacion pa presenta un performance titula “Oda na Rembrandt”—hunto cu su workshops—na Aruba Art Fair (e luna di augustus of september venidero aki), of un invitacion di un organisacion of institucion respeta cu ta kere cu su experticio y experiencia internacional por ta di balor pa e sector cultural Arubano.
Actualmente, e Museo ARMA na Bali a expresa interes den su exposicion individual, combina cu workshops y su performance di pintura “Oda na Rembrandt.”
