Indice di Prijs di Consumo pa luna di September 2021
E CPI pa luna di September 2021 ta 99.24, loke ta representa un subida di 0.4% compara cu e indice di Augustus 2021 (98.84) y acumulando un subida di 2.2% te cu na September di e aña aki.
E cambio di e CPI pa e ultimo diesdos (12) lunanan (September 2020 te cu September 2021) ta 2.2%, un subida di 4.5 punto di porcentahe (ppt) compara cu e periodo corespondiente di aña pasa (-2.3%).
E promedio anual di e tasa di inflacion pa e periodo di September 2020 te cu September 2021 ta -0.7%, un caida di 1.1 ppt compara cu e 0.4% registra den e periodo di September 2019 te cu September 2020.
Durante e luna aki, shete (7) di e diesdos (12) sectornan a registra subida di prijs. E subidanan cu tawata tin e mayor efecto riba e CPI a wordo registra pa e sectornan di “Mobilario” (3.6%) y “Paña y sapato” (3.7%), causando un efecto di 0.33 y 0.09 ppt. E subidanan den e restante
sectornan a contribui cu un efecto di 0.28 ppt riba e CPI di September 2021. E subidanan aki a wordo contraresta parcialmente door di principalmente un caida den e indice di e sector di “Transporte” (-1.2%) cu a contribui cu un efecto di -0.16 ppt riba e CPI di September 2021. E caidanan den e restante sectornan a contribui cu un efecto di -0.14 ppt riba e CPI di September 2021.
E subida den e sector di “Mobilario” a wordo causa door di principalmente un subida den e categoria “Aparato pa uso domestico” (12.6%), causando un efecto di 0.30 ppt. E subida den e sector di “Paña y sapato” a wordo causa principalmente door di un subida di 3.9% den e categoria “Paña”, causando un efecto di 0.08 ppt.
E caida den e sector di “Transporte” a wordo causa principalmente door di caidanan den e categorianan “Servicio di transporte” (-16.3%) y “Compra di vehiculo” (-1.6%), causando un efecto di -0.08 y -0.07 ppt, respectivamnete.
Canasta di consumo
E canasta di consumo di e CPI ta consisti di 408 bienes y servicionan. Compara cu 2021, 44.1% di e bienes y servicionan aki a conoce un aumento di prijs causando un efecto di 1.26 ppt, mientras cu 39.7% ta mustra un caida di prijs, cu a contribui cu un efecto di -0.86 ppt y pa e restante 16.2% no tawata tin cambio den prijs. Prijsnan di bienes a subi cu 0.9% y a causa un efecto di 0.49 ppt. Prijsnan di servicionan a conoce un caida di 0.2% y a causa un efecto di -0.09 ppt riba CPI di September 2021.
Core inflation
E CPIC (core inflation) – CPI excluyendo e efecto di energia y cuminda – a registra na September 2021 un caida di 1.2%. E indice di energia – cu ta consisti di e productonan: electricidad, awa, gasolin y diesel a registra un subida di 2.0%. E indice di cuminda a registra un caida di 1.7%.
Bestaansminimum
E bestaansminimum pa un hogar consistiendo di dos (2) adulto y dos (2) mucha (edad 0-15 aña) na September 2021 ta Afl. 4,839, un subida di Afl. 57 compara cu September 2020 (Afl. 4.782). E bestaansminimum pa un hogar di un (1) adulto ta Afl. 2,304, un subida di Afl. 27 compara cu September 2020 (Afl. 2.277).
SEPTEMBER 2021 CPI (BASE JUN 2019 = 100) Indice ↑ 99.24 Luna actual ↑ 0.4 Acumula ↑ 2.2 Tasa anual ↑ 2.2 Promedio anual ↓ -0.7 Bienes ↑ 0.9 Servicionan ↓ -0.2 CPIC
CPIC ↓ -1.2 Energia ↑ 2.0 Cuminda ↓ -1.7 BESTAANSMINIMUM na AFL.
1 adulto ↑ 2,304 2 adulto + 2 mucha ↑ 4,839
CPIC: CPI excluyendo e efecto di energia y cuminda.
Energia: Electricidad, awa, gasolin y diesel.
BESTAANSM INIM UM : E nivel minimo di entrada cual ta wordo percibi cu ta necesariopa logra mantene un nivel di bida adecuado.