E lucha pa Aruba sali for di bou di poder di Corsou den e constelacion “Nederlandse Antillen” , awor cu Gobierno di Aruba ta den man di e mesun partido , ta birando poco poco un lucha “por nada”.
Maske cu Aruba no ta directamente bou poder di Corsou , Hulanda ta forsa hinka Aruba bou di e famoso “ Leynan di Reino “ hunto cu Corsou y asina mara Aruba na Corsou atrobe !

CONSECUENCIA : sin acuerdo di Corsou , Aruba no por hiba un propio maneho ni por termina of cambia e Leynan di Reino cu ta valido  pa Aruba y Corsou hunto !

PREGUNTA : pakico e Gobierno di e mesun partido cu a logra “Status Aparte” , no ta exigi di Hulanda ,cu ora Hulanda ta kier regla algo den un “Ley di Reino”, pa bin cu un “Ley di Reino” valido pa Aruba so !

Pa respeta historia y duna cada “ex-isla di Nederlandse Antillen” e posibilidad di desaroya su mes los for di e otro “ex-isla” nan , nada no ta stroba Hulanda pa bin cu “Leynan di Reino” cu ta aplicabel pa cada ex-isla , actual país den Reino , apart.

DUS den caso di COHO y di RAFT , Gobierno/ Parlamento di Aruba , mester por exigi “Leynan di Reino” apart pa Aruba ( corda lucha pa Status Aparte ! ) so , PASOBRA aplica “Leynan di Reino” pa cada país apart NO ta afecta Hulanda na nada !
Ta djis copia y cambia e nomber den Aruba of Corsou of St. Maarten.
Asina cada país por maneha y desaroya su mes manteniendo su karakter y su historia.

Ban para ariba pa Hulanda keda acepta y reconoce e lucha cu Aruba a hiba pa logra di Hulanda un Status Aparte den Reino Hulandes.

Nada di STATUS IGUAL MAS !

LEAVE A REPLY

Please enter your comment!
Please enter your name here