Transparente , un palabra cu tur partido político y politiconan mes ta tuma den boca manera nada pa convence otro of pa convence nan mes.
Awor , ban pa e realidad di eleccion 2024 caminda 11 ( diesun ) partido político ta participa , di cual ta 3 (tres) SO (= AVP cu 29 ; MEP cu 29 ; PPA cu 16 y RAÍZ cu 11) tin suficiente candidato riba nan lista cu nan lo por forma ( teoréticamente ) un Gobierno nan SO basa riba un mayoria di 11 (diesun) candidato den Parlamento.
Pa e 21 miembronan di Parlamento eligibel den eleccion tin 139 candidato riba 11 lista di partidonan político , DUS suficiente candidato pa votadornan por scoge y vota sin problema.
Awor , pueblo por scoge pa “dictadura” (=poder den man di UN persona/partido) of pueblo por scoge pa “democracia” (=poder den man di diferente persona/partido). Ta na e votadornan di Aruba pa dicidi , den libertad y segun nan consenshi , pa cua candidato nan lo vota pa representa nan den Parlamento di Aruba.
Un representacion den Parlamento di Aruba caminda tur grupo ta representa y por laga nan bos resona ta miho pa tur hende na Aruba !
Ta na e partidonan político pa informa e votadornan – PROME CU VOTACION – cu cua otro partido(nan) nan ta desea/prefera (nan so of den coalicion) di forma Gobierno di Aruba.
“FORSA Y EXITO NA TUR”