Esaki ta palabra di Dios pa tur tata: Confia den Senjor cu henter bo curason,y no depende riba bo mes comprondemento,den tur bo camindanan reconoc’E y E lo dirigi bo berehanan.( Proverbionan 3;5-6)
No sea sabi den bo mes bista, teme Senjor y aparta bo mes for di maldad. Esaki lo ta curamento pa bo curpa y tuti pa bo wesonan.( Proverbionan 3:7-8).
Confiansa di un tata den Senjor ta habri porta di bendicion pa su hogar, pasobra den e posicion cu Dios e pone e tata como cabes, e ta esun prome yama, pa instrui su famia den caminda di Dios.
Ta deber di un tata pa haci oracion pa su yuinan y mantene un relacion spiritual na un nivel halto den su cas, pasobra di e forma ey su famia lo beneficia, y tambe wordo protehi for di maldad.
Lesa akinan kico Dios por haci pa un homber cu ta confia den Dios;
Rey Ezekias tabata confia den Senjor,e Dios di Israel,asina cu despues di dje, no tabatin ni un manera e den tur e reinan di Juda, ni den esnan cu tabata prome cune. Pasobra e a tene duro na Senjor,e no a laga di sigui’E ma a warda su mandamentonan, Y Senjor tabata cune, unda cu e a bay e a prospera.( 2 Reynan 18:5-7).
Dios a bendiciona Isaac pasobra Abraham tata di Isaac tabata obediente na Dios y a cumpli cu ordo , mandamento y statutonan di Dios.( Genesis 26:3-5).
Si den bo bida como tata bo tin di perde amistad di hende , pa bo keda bon cu Dios, haci esey, pasobra ningun hende por reemplasa Dios den bo bida, tin biaha hasta ora nos ta tata nos tin amistadnan cu no ta cumbini nos bida familiar, cu ta hiba nos den camindanan robes, cu no ta beneficia , ni nos mes tampoco nos hogar.
Job a declara como tata: Mi sa cu bo por haci tur cos, y cu ningun di bo propositonan por wordo stroba. ( Job 42:2).
Ta para scirbi den Marco capitulo 9;14-29 con e tata a hiba su yiu endemonia pa Hesus, y a bisa Hesus cu si E por a haci algo, pasobra e disipel nan no por a saca e demonio . Hesus a contesta, “Si Bo por” Tur cos ta posibel pa esun cu ta kere. E tata a dal un grito y bisa mi te kere yudami den mi incredulidad.
Aki nan nos ta mira e gran balor ora un tata , ta atento pa su famia, especialmente ora ta trata di papia cu Dios pa su famia.
Hopi biaha como tata hopi placa ta wordo gasta cumprando remedi. Pa tuma terapia costoso pa nos yui, caba e salud di nos yiu ta depende di oracion, cu confiansa y Fe cu Dios lo yuda e mucha, y Dios ta hacie pa nos.
Pasobra como tata, nos tin di realisa cu tin cosnan cu ta solamente oracion por drecha, y tur cos ta bira posibel ora nos ta kere den Dios.
Ora nos ta kere den Dios, nos tin e forsa como tata pa perservera, pa no entrega, pero sigi insisti dilanti di Dios, sigi intercede, pasobra Dios ta mira e curason di tata, y e amor cu e tin pa su yiu, y Dios semper ta contesta oracion.
Awor mas cu nunca ta tempo pa nos como Tata halsa nos Fe y confiansa den Dios, pa bienestar y proteccion di nos Famia.
Pasobra pa Dios, nada ta imposibel.
Sinceramente, Pastor Marcel Balootje
