Un feliz siman yena cu bendicion y gracia di Dios.
“Sigui Mi y lo mi haci boso piscado di hende” Marco1,17
Pa medio di nos bautismo nos ta participa den pasion, morto y resureccion di Hesucristo nos Señor. Con lo nos por paga Señor tur e bondad cu El a haci pa nos? Kico ta importante pa nos como yiunan di Dios haci cu nos bida? Hesus a rindi Su Bida prome na Dios. Hesus no a haci nada sin consulta cu Su Tata. Anima pa Hesus, nos tambe tin di haci esaki, paso nos no ta Rey di nos bida, nos tin cu confia nos bida completamente den man di Dios. Nos responsabilidad ta di obedece na Dios y laga Dios keda encarga cu e resto di nos bida. Paso nos no ta autosuficiente, nos tin necesidad di Dios. Kico nos tin cu haci pa nos entrega nos bida completo na Dios? Ban biba manera Hesus cu no a trata na controla Su bida, ma a haci boluntad di Su Tata. Nos ta yama pa ser sirbidonan di nos prohimo, den anuncia e “Bon Nobo”, pa converti y kere. Salbando e otro imitando e obranan di Hesucristo, kende ta e caminda y Berdad, pa alcansa Bida Eterno.
Oracion: “ Dios nos Tata, yuda nos di distingui kico tin balor berdadero, pa nos no perde nos tempo cu asuntonan di menos importancia. Duna nos animo pa cumpli cu ne.“Amen.
