Un feliz dia bendiciona cu hopi confiansa den nos Bon Dios.
“Pero bendiciona ta esun cu ta spera den Ami, Señor, cu ta pone su confiansa den Mi.” (Yeremias 17, 7)
E siguridad cu hopi biaha nos ta busca pa sinti nos sigur den bida, hopi biaha nos ta buske den hende sin para keto cu e siguridad ey ta esun falso. Pone nos confiansa den hende, hopi biaha e hende ta bira lomba pa nos. Nos ta keda para nos so, manera mata sin niun blachi den tera seco. E curason di hende por ta engañoso. Di otro banda, si nos busca nos siguridad y confiansa den Dios, kico por bay robes? Den cua situacion cu nos por ta y asta si dura hopi, sa cu e siguridad berdadero, ta Señor so por duna nos esey, ora nos pone nos confiansa den djE. No ta pornada Cristo Hesus a pone Su confiansa den Dios ora E tabata riba e cruz y nos sa kico a pasa despues di tres dia.
Oracion: Dios Tata nos kier a yama Bo danki pa e siguridad cu Bo ta duna nos y cu ta pone nos sinti nos mes sigur y cu confiansa den Bo. Amen
