Un feliz dia yena cu bendicion , amor y paz di Señor.
“Mi paz Mi ta duna boso, ma no manera mundo ta desea otro paz”(Huan 14, 27)
Na momento cu nos pensa riba paz e ta hiba nos riba e idea di ta liber di tur conflicto of preocupacion, pero Hesus ta bisa nos cu e paz cu E ta duna nos ta algo diferente cu e paz manera mundo ta desea. E paz cu Hesus ta papia di dje ta e paz cu ta bini momento cu nos confia na Tata. Hesus ta bisa no laga boso curason bira intrankil of cobardia. Cu ehempel aki Hesus kier bisa nos cu paz no ta depende riba tur cos cu ta cana bon den nos bida, pero su raiz ta sinta confiando Tata Su bondad y deseo pa nos felicidad eterno. E kier pa nos experencia paz hasta den e tribulacion mas grandi den nos bida, confiando nos bida den dj’E hunto cu tur esnan cu nos ta stima. Y e paz di Dios cu niun hende no por compronde, lo warda boso curason y mente den union cu Cristo Hesus
(Filipensenan 4,7).
Oracion: Hesus, mi ta kere cu mi tin di pone mi confiansa den Bo y e plan cu Bo tin pa mi bida. Señor yuda mi encontra un paz interior, ta na paz cu tur mi rumannan rond di mi y e speransa pa alcansa bida eterno. Amen
