Un feliz dia bendiciona y cu Dios colma boso cu Su amor y misericordia.
“Kiermen anto, mescos cu pica a reina door di trece morto, asin’ey Gracia di Dios lo reina door cu Dios ta acepta hende pa medio di nos Señor Hesucristo, pa duna nan bida eterno”. Romanonan 5:21
E pica y morto pa medio di e prome Adam. Den e prome Adam pa naturaleza; den e Adam nobo Cristo pa medio di Gracia. E tema ta nos picanan y con Dios a trate den e Cruz di Cristo. E culpa y e castigo di e picanan di e creyente a bay pa semper y e creyente husto ta santifica den Cristo y libera di e dominio di pica. Loke nos tawata den Adam y loke nos ta pa medio di e Gracia di Cristo. Ora nos identifica cu Cristo nos lo wordo libera di e pica cu ta biba den nos. Sin e conocimento ey y un experiencia personal cu Cristo, ta imposibel pa disfruta e bida cristian. Un di e rasonnan principal cu creyente ta bay sigui doctrina diferente y straño, ta e ignorancia di e echo grandi di nos redencion den Cristo.
Oracion. Mi Señor y mi Dios laga mi conoce e principio grandi di santificacion y liberacion den Cristo, pa asina mi por biba un bida spiritual constante y no desvia y sigui un doctrina diferente y straño of cay den pica. Pa mi carga mi cruz di bida cu honor y ta un creyente husto cu Cristo lo Santifica na ora di mi morto. Amen
