Un feliz dia yena di bendicion y cu Dios drama Su amor, gracia y paz riba boso.
“…..un angel di Señor a aparece n’e den soño y bis’e: ‘Hose, desendiente di David, no tene miedo pa tuma Maria como bo casa, pasobra e yiu cu e ta spera ta di Spirito Santo’.(Mateo 1, 20)
Den tur e lecturanan di awe nos por mira con Dios ta traha den cada persona na diferente manera, pero nos tin cu haci loke nos curason ta bisa nos y haci bon tur ora. Señor a mustra nos cu E ta cu nos tur momento, Su brasa Santo ta trece victoria den tur skina di mundo, Dios Su Victoria ta visibel. E ta husga cu derecho imparcial. Manera cu Dios a priminti Abraham pero hende mester kere den djE. Bo fe no por cay pasobra tuma e ehempel di Abraham, e tawata tin casi cien aña y su casa no por a haya yiu pero pasobra Dios tin poder El a cumpli cu Su promesa y Abraham a bira tata di hopi nacion. Tambe El a lanta nos Señor Hesucristo for di morto. Y nos a wak San Hose esun cu ta Tata di Hesus cu ta E Mesias. Bou recomendacion di e angel San Hose a casa cu Maria y a bira Tata di Dios Yiu cu ta obra di Spirito Santo.
Oracion: Tata laga nos wordo guia pa un angel, pa nos kere den Bo poder y den Hesus di Nazaret cu Bo a lanta for di morto y pa nos fe bira manera di Abraham y pa nos por bira husto manera San Hose y acepta Bo Santa boluntad. Amen
