Hesus a bisa e hendenan: ”Mi ke puntra boso: kico ta permiti riba dia
di sabbat?” (Lc 6,9)
Hesus no a elimina ley di sabbat. Loke cu Hesus ta contra dje ta tur e
formalidadnan di e fariseonan. ”Sabbat ta traha pa hende y no hende pa
sabbat”. E obligacion di eherce caridad ta pisa mas p’E cu e
mantencion material di e sosiego di sabbat. Ademas Hesus ta bisa di
tin poder riba sabbat y loke a keda demostra tambe. Pero pronto e
prome dia di siman a bira, e dia di resureccion di nos Señor
Hesucristo, e dia di culto di Iglesia y manera nan ta yam’e: e dia di
Señor. (Ech 20,7) Door di sosiego riba e dia ey hende ta recorda e
sosiego di Dios mes riba e di siete dia. Hesus a drenta e sosiego aki
den Su resureccion y nos a haya e promesa cu despues di djE, nos tambe
por drenta den e sosiego aki (Hb. 4, 1-11) Riba e sabbat autentico aki
hende por sosega berdaderamente di tur su cansancio, basta cu nos pone
nos fe den Hesus.
Oracion: Tata Santo, mi ta pidi Bo aumenta y purifica mi fe den Bo Yiu
Hesucristo asina cu mi por drenta den Bo descanso eterno. Amen.
