Un feliz dia bendiciona yena cu hopi gracia di Dios.
“Maestro, nos a mira un hende ta saca demonio den Bo nomber; nos a purba di stop e pasobra e no ta pertenece na nos grupo cu ta sigui Bo” (Marco 9, 38)
Awe e Evangelio ta presenta un situacion no comun. Huan y otro apostelnan ta testigo, cu tin un hende cu ta saca demonio den nomber di Hesus y cu no ta pertenece na e grupo. E ta un escenario straño y dificil pa imagina. Huan ta mira un bon obra y ta purba pa stop e persona. Nan a bay cerca Hesus pa conseho. Sinembargo, nan a kere cu Hesus lo bay na nan fabor. Nos tin e tendencia di pensa cu nos sa tur cos y cu nos por dicidi pa tur hende. E actitud aki tambe ta sosode incluso ora nos ta pensa cu lider religioso so por traha pa e reino di Dios. Dios por usa cualkier hende y otorga e don pa yuda otro. Esey ta Dios Su prerogativo, Su deseo. Su bondad no ta limita na esnan cu ta conoce otro hende. E por haci’e instrumento di Su boluntad. Laga nos duna un man pa traha den unidad pa Dios, reconoce bondad di nos prohimo y coopera den diferente manera na nos mision.
Oracion: Tata Santo, siña mi pa traha den unidad y no laga nos cay den division den bida di nos fe. Duna nos e gracia di discerni. Amen.
