Un feliz dia bendiciona y cu Dios laga Su luz briya riba boso y yena boso cu paz.
”..lo e briya pa esnan cu ta biba den tiniebla ….. lo e guia nos p’e caminda di paz”(Lucas 1,79)
Zakarias ta yama Dios danki pa e nacemento di su yiu cu canto di alabanza. El a reconoce e accion salbador di Dios cu ta culmina cu e binida di Dios encarna. Pa falta di fe Zakarias a keda mudo pero awo e accion divino a manifesta y el a recupera su habla. P’esey el a bisa: ”Bendiciona sea Señor, Dios di Israel”. Cuanto bes nos ta mira cosnan negativo y scur pa motibo cu nos ta pesimista. Biba manera Zakarias pa nos biba cu alegria y speransa. E Señor ya ta cerca; e Señor ya ta aki. E binida di e Mesias ta trece e luz cu ta briya y ilumina esnan cu ta biba den scuridad. Laga nos ta consciente cu e Niño Hesus ta bin pa ilumina nos bida y pa guia nos. Hesus ta e Señor y Salbador. Nos lo cana nos so den e caminda aki? Of nos ta cana hunto cu otronan den e caminda cu Hesus lo hiba nos? Pa nos grita yen di alegria cu ”Esun cu a nace ta Dios!”
Oracion: Señor, nos ta Bo imagen y Abo di nos pa motibo di e union entre nos. Ilumina nos pa cana hunto den e caminda cu a wordo prepara pa nos. Y Abo nos Salbador, sea nos guia den esaki! Amen
