”Feliz esnan cu a persevera no obstante tur cos cu nan a pasa aden” (Hacobo 5, 11)
Den Lecturanan di awe nos ta bay haya diferente splicacion di loke ta spera nos si nos persevera den momentonan di prueba. Den nos bida nos por haya nos cu diferente situacionnan cu por presenta. Nos mester tin pasenshi y un fe firme pa spera den Señor, pasobra Dios ta un Dios di misericordia y compasion. Un ehempel ta Job cu a persevera apesar di pruebanan duro cu el a pasa aden y Dios a sa di recompense. Pero nos no mag mustra dede riba otro ni hura ni pa shelo ni pa tera y laga nos ”si ta si” y ”no ta no”. Mescos cu den Evangelio Hesus ta mustra nos cu unabes cu un homber bay laga su mama cu su tata pa uni cu su casa y bisa ”si” den matrimonio nan dos ta bira un y hende no mag separa nan. Salmo 103 ta bisa cu E ta pordona bo culpanan y ta salba bo di graf. E ta rondona bo bida cu ternura y ta renoba bo manera un aguila. E no ta sigui acusa bo keto bay y no ta keda rabia pa semper.
Oracion: Señor duna nos e gracia di por persevera den temponan di prueba duro den nos bida. Duna nos hopi pasenshi y un fe firme pa nos por keda spera den Señor. Amen.
