Cada un di boso mester sali for di tur loke e tin, sino e no por ta mi discipel” Luc.14,33
Mara na alma y Curpa, cu henter bo ser na Hesus. “Cana cu Hesus” y confia den Su misericordia, pa nos ser fuerte y haya curashi. Liturgia Eucaristico ta e forma di biba cu Hesus fuera di nos oracionnan. Esaki lo yuda nos laga bay tur loke ta stroba nos, pa por ricibi mas regalonan di Hesus, pa ser Su discipel stima. Su Pordon, Curpa y Palabra lo alimenta nos alma y duna nos forsa. Ser manera un mucha inocente confiando den Hesus, p’E por obra pa medio di nos, na nos prohimo. Pa yega na stima nos prohimo manera El a stima nos. Confesion regular y Santa Eucarestia pa nos bira humilde y pa por completa e obra encarga na nos, cu SU Palabranan. Pa nos haya animo y persevera, nos tin cu biba cu Spirito Santo, ser guia pa Spirito Santo, pa asina nos por relaciona bon cu otro. Pa nos tur logra cana den e pasonan di Hesucristo nos Señor y keda fiel na dj’E, cumpliendo cu nos deber. Animo.
Oracion: San Martin di Porres y San Padre Pio kendenan a bishita mi den mi enfermedad y kendenan a laga mi bolbe saborea mi conversion, intercede pa nos por keda anima y fiel den tur loke nos keda encarga cu ne.
Amen.
