Un feliz dia yena di bendicion y cu e luz di Cristo por briiya den nos bida.
“SEÑOR ta mi luz i salbacion,di ken lo mi tin miedo?” Salmo 27,1
Awe e Salmo aki ta recorda nos cu Dios kier pa nos ta fuerte, balente y yen di curashi. Awe Dios ta recorda nos cu E ta cu nos y no lo bandona nos. Awe e Palabra ta recorda nos cu si Dios ta cu nos ken contra nos. Awe ta e dia cu meymey di tur nos problemanan, preocupacion, angustia, malesa y decepcion nos mester corda cu SEÑOR ta nos luz y nos salbacion. Awe nos mester corda cu si e Creador di Shelo y di Tera, e Ser mas poderoso cu ta existi den universo ta cu nos, anto di ken nos lo tin miedo? Ta p’esey mes laga nos fiha nos bista riba SEÑOR, laga nos yena nos curason cu curashi y balentia paso Esun cu a crea nos ta stima nos y E kier nos salbacion.
Oracion: Tata awe nos ta yama Bo danki pa Bo amor grandi cu Bo tin pa cada un di nos. Yena nos cu curashi y balentia y aumenta nos fe. Nos ta yama Bo danki pa tur cos Tata den e nomber di Hesus. Amen
