Un feliz siman yena di bendicion cu hopi amor y misericordia infinito di nos Bon Dios.

E Piedra cu trahadonan a rechasa, a bira piedra principal; (Marco 12,10)

Rumannan: piedra…como fundeshi solido ta e idioma figurativo cu ta aparece diferente biaha den Bijbel. Na fin di e periodo di Testament Bieu e Hudiunan tabata mira den e versiculo aki un referencia na e Mesias. E piedra principal cu a bira un ‘piedra’ cu ta pone nan trompica; ta un tema mesianico cu Iglesia hoben a uza pa trata na compronde rechaso y ehecucion di Hesus pa Su pueblo. Nos tur cu a batisa caba y a scucha e Bon Noticia di Hesus tin su fundeshi basha caba den Cristo. Pero con nos ta sigui traha nos edificio spiritual riba e fundeshi aki? Con nos ta hiba nos bida di tur dia? Nos ta den sintonia cu Hesus tur dia pa conoce Su boluntad? Pasobra si Dios ta glorifica den nos esey ta wordo demostra den amor pa Dios y prohimo. Den stimacion di otronan den dimension di cruz.

Oracion: Señor Hesucristo mi ta pidi Bo e gracia di conversion, asina mi por rechasa tur pasion di mundo y pone Bo central den mi bida y pa mi por cumpli cu tur locual Bo ta desea pa mi bida. Amen.

LEAVE A REPLY

Please enter your comment!
Please enter your name here