Un dia fructifero colma cu gracia, amor y paz di Señor.
“Boso ta rechasa ley di Dios y ta atene na tradicion di hende”. (Marco 7:8)
Ora Hesus a cuminsa cu Su ministerio, El a laga e ley ceremonial na banda y pa haci esey, E tawata rechasa e ceremonianan cu hende a añadi. Hesus tawata exigi di Su discipelnan pa nan ta digno cu mannan limpi y curason puro y hopi diferente na e forma supersticioso y externo di e fariseonan. Hesus ta reprende e fariseonan pasobra nan a rechasa e mandamento di Dios. “Honra bo mama y bo tata” y tambe “Esun cu maldiciona su mama y su tata ta haya castigo di morto” (Marco 7:10) Hesus no a condena tur tradicion. El a condena cu e homber a pone su mes riba e mesun nivel of ariba di Dios. Nos a hereda procesionnan, nobenanan, celebracionnan, fiestanan. Pero tur e tradicionnan ey ta medio pa yega na un fin. Y e fin ey ta duna tur Gloria na Dios y forma e Iglesia di Cristo. Nos ta un famia den Cristo, cu ta busca salbacion pa nos tur. E fin Semper lo keda cana hunto cu Dios.
Oracion: Mi Señor y mi Dios, Hesus Yiu di David tene misericordia cu mi, cu ta un pober pecador. No laga mi cay den e rutina y custumber di hende, pero laga mi semper keda haci e boluntad di Dios y aumenta mi fe, speransa y caridad. Amen.
