Un feliz dia y cu Dios bendiciona boso na abundancia.
”…P’esey nos no tin miedo, maske tera por tembla……” (Sal 46, 2)

Miedo. Un di e factornan mas grandi cu ta pone nos perde nos fe. Miedo ta bin, entre otro, ora nos no ta sigur di algo y e temor cu algo malo ta bay pasa cu nos. Cu otro palabra, nos a lubida ariba e grandesa di Señor. Nos ta dudando ariba e poder di Señor. Nos a laga duda tuma over ariba nos fe. E ta simpel. Si nos ta kere den Dios cu alma y curason. Si nos sa cu nos Tata ta stima nos. Y cu semper E tey pa nos. Y cu semper E ta scucha nos oracion. Pakico nos mester perde nos fe? Y pakico nos mester tin miedo? Pakico nos mester laga negativismo tuma over y kibra nos relacion cu Dios?  “..Dios ta meymey di dje, E no por tambalia….” (Sal 46, 5) Corda semper ariba esaki. Y nunca nos lo tin miedo y perde nos fe. Animo rumanan.

Oracion:  Señor mi a permiti cosnan di mundo domina mi. Mi a bandona Bo, Señor. Pordona mi. Manda Spirito Santo duna mi tur dia e forsa di sigui semper ariba Bo caminda cu cara na halto. Y cu semper fe den Bo grandesa . Amen.

LEAVE A REPLY

Please enter your comment!
Please enter your name here