Aruba- A honra Olivia Mercedes-Bryson, tambe Naise Ardan Lee, y Sandra Vera Wilson. Debi na motibonan personal, señora Wilson no por tabata presente na e ceremonia. Nan a wordo honra den un forma protocolar y emocional pa nan hopi aña di trabao duro y servicio na hubentud di San Nicolas como lidernan di e gruponan scout St. Joris y Arowakken na San Nicolas. Señora Rita Sandiford tabata e persona cu a dirigi e ceremonianan y a haci entrega na nan di un plaquette di agradecimento. Durante e santo misa, reverendo Calvin Greenaway di Iglesia Metodista di San Nicolas a dirigi su mes na e personanan cu a wordo honra den un forma impresionante y a suministra nan Bendicion Despues di e santa misa, a celebra un encuentro den e Auditorio John Wesley den cual Veteran Scouts of Aruba a rindi honor na señora Rita Sandiford pa su gran dedicacion pa mantene bibo e movimento scout pa Veteran Scouts of Aruba y e drumband Arowakken. Presente na e ceremonianan aki tabata Hoofdcommissaris Christopher Lake y Commissaris John Hessen di Scouting Aruba, kendenan tambe a dirigi algun palabra amable y inspirador na e personanan cu a wordo honra, y finalmente a presenta nan un muestra di agradecimento. E ceremonia a cuminza cu un desfile di bandanan scout marchando, consistiendo di Veteran Scouts of Aruba. E tabata un actuacion cortico pero agradable di e drumband. Ta parce cu e espirito tey bek cerca e miembronan di e banda. Sigui cu e bon trabao, “boys and girls”. Caranan bon conoci den e seccion di drum tabata Daniel van Heyningen, Kenneth Carty, Clyde Burke, Nikita Carty, J.J. Carty, y Elvin Krind. E seccion di brass a consisti di Juny Halley, Marlon Wong, y Timothy Lake. E Maître pa e ocasion aki tabata Rita Sandiford. Un danki special ta bay na Pedro Wilson, Mervin Dinzey, Leonardo Carty, y Christopher Woods.
