No por chupa cos di duim pa hammer riba hende
ORANJESTAD – Recientemente e organisacion TA BASTA a trece informacion incorecto den publicidad. Di basta dia caba nan ta hammer riba asunto politico, pero sin base, sin prueba.
Den nan mas reciente publicacion, nan a comete un hecho castigabel, ora nan ta trece informacion incorecto dilanti.
Nan a bisa cu Rocco Tjon algun aña pasa tabata sospechoso den corte pa acto di violacion di mucha.
E ponencia aki no ta berdad. Solo di Pueblo a haci e siguiente fact check:
FACTCHECK TA BASTA:
TA BASTA a skirbi cu Rocco den pasado mester a presenta dilanti corte pa abuso sexual di mucha, o sea a wordo acusa dor di OM pa tal delito.
::::::::::::Nos a factcheck::::::::::::::
Nunca Rocco a wordo acusa pa OM pa abuso di mucha, y nunca el’a presenta dilanti un huez den corte penal pa un delito asina. E no tin ningun sentencia di huez riba tal delito manera treci pa Ta Basta.
Resultado: TA BASTA su ponencia no ta berdad y ta engaña su audiencia.
Rocco a wordo investiga pa recherche Hulandes y Di Curacao y nan a conclui cu No tin nada. A usa husticia di Curacao y Hulanda pa evita di crea e minimo imprecion di conflicto.
Pues Curacao y Hulanda a conlcui cu no tin nada. Ta ser bisa cu e mama Petronia, pa celos a actua extremo, y dje forma aki pa asina asina reken af cu e tata. Casonan asina ta hopi conoci, ora di problema den relacion o relacion toxico.
Ministerio a seponeer e caso dos biaha. Prome tabata a base di resultado y di dos tabata den beroep ora tres huez a bolbe atende e caso y a dicta cu OM a actua corecto.
Pues, Rocco a pasa den investigacion. Awor si nos no kier accepta resultado di husticia, anto ta kico nos kier? Husticia di Venezuela o Cuba?
Ta basta cu Ta basta! Porfavor, stop boso furia, sin base!
