Un grupo grandi di fanaticada a gosa di e ultimo bataya di Mens Erger Je Niet LIVE entre: Oruans Rocks, Gaña Sa, No Consumi y Blue Energy Hilton Hotel.
Tur cuater team tabata invicto te dia 28 di juni. Despues di hopi susto Oruans Rocks a bira e campeon mundial invicto, sigui pa e Sub Campeon Gaña Sa, 3er.No Consumi, 4to.Blue Energy Hilton Hotel.
Un campeonato cu a cuminsa na April cu 64 team, diabierna 28 di juni tabata e wega final. Centro di Bario Brazil yena di famia, unda cu bisiña y coleganan ta topa otro den un ambiente diferente.
C.B.B. ta gradici tur 64 team cu a participa na e campeonato, tur fanatico, tur boluntario cu durante di tres luna a traha tur fin di siman . Un danki na tur cu a yuda haci e campeonato 2024 bira un exito.
Esunnan cu ta interesa pa organisa nan wega den seno familiar of coleganan por yama Eddie Dandlau na cell. 5662208.
