Ta cu profundo tristesa y curason pisa nos ta anuncia fayecimento di Oscar S. Wyatt, Jr., kende a bay sosega trankil pa motibo di edad avansa y causanan natural riba e edad di 101 aña, riba 8 di october 2025.
Bida trempan y servicio militar
Señor Oscar S. Wyatt, Jr. a nace na Beaumont, Texas, riba 11 di juli 1924, yiu di Eva Coday Wyatt y Oscar S. Wyatt, Sr. Mientrastanto cu e tabata lanta na Navasota, Texas y despues di a caba scol secundario eynan, Señor Wyatt a inscribí na Texas A&M University na College Station y a uni cu e Corps of Cadets. Su estudio a wordo interumpi p’e atake Hapones riba Pearl Harbor, loke a haci cu Merca a drenta di Dos Guera Mundial, y e mes a pone su mes voluntario pa join e U.S. Army Air Corp. El a sirbi cu distincion den e Pacífico.
Despues di e rindimento di Hapon y e suspenso di hostilidadnan cu a terminá e guera, Señor Wyatt a regresa Texas A&M University y a caba su estudio cu un titulo den Ingenieria Mecanico na 1949.
Carera den energia y negoshi
Na 1950, uzando su Ford Coupe di dos porta preto, modelo 1949, komc garantia, Señor Wyatt a fia $800 na un banco na Corpus Christi, Texas. Cu e prestamo, el a cuminsa Hardly Able Oil Company, cual despues a bira Coastal States Gas Producing Co., y finalmente a crece bira Coastal Corporation. E compania di energia tabatin accionnan consolida di $15 biyon USD yi mas cu 12.000 empleado na momento cu el a merge cu El Paso Corporation na 2002. Poco despues, el a funda un benta nobo di azeta y gas, cual despues a bira Coastal Energy, cu accion den Lehano Oriente.
Na cuminsamento di añanan 1960, Señor Wyatt a cumpra un rancho tanto den Kenedy como Hidalgo Counties, yama El Wyparco. Na 1965, el a cuminsá un operacion profesional di produccion di bestia y despues a cumpra tera di cunucu na Duval County. E tera aki na Duval County ta awo e Tasajillo Division of Wyatt Ranches. Bou di su liderazgo, Wyatt Ranches a expande pa incluí cinco division di rancho di bestia plama rond di mas of menos shete county den Zuid y West Texas, ademas di terenonan comersial na Colorado y accionnan na otro luga.
Un bida remarcabel y logronan
No por tin discucion cu Señor Wyatt a biba un bida colorido y completo. Na 1990, Señor Wyatt, hunto cu ex-Gobernador di Texas John Connally, a negosha e liberacion di rehennan Mericano y otro stranheronan cu tabata keda deteni na Irak despues di e invasion di Kuwait. Semper un defensor pa gobernacion corporativo responsabel, contrario na golosidad corporativo, Señor Wyatt a lidera un bataya di proxy di accionista y un demanda colectivo contra El Paso Corporation na 2003, caminda el a alega practicanan di contabilidad iregular despues cu e rating di debe di e compania a cay den categoria di “junk”.
Expandiendo riba su historia di bida cautivador, el a keda encarcela na dos ocasion na Texas. Un bes na 1960 pa molestia di paz na Abilene y atrobe na 2005, ora el a keda acusa di viola sancionnan economico di Merca contra Irak. Consecuentemente, el a sirbi nuebe luna den un campo di prizon federal cerca di Beaumont.
Na 2008, Señor Wyatt a sufri un atake cerebral; sinembargo, el a sigui participa activamente den su interesnan di energia y rancho di bestia. Coastal Energy a keda benta cu exito na 2014, cu accionnan cu ta surpasa $2 biyon USD; y su direccion y supervision di Wyatt Ranches a continua te cu su fayecimento.
Honor y legado
Despues di a recupera dos biaha di lesionnan sostené den servicio di guera pa su pais, Señor Wyatt a keda honrá pa U.S. Army Air Corps y tambe p’e Republica di Filipina. Na 2021, su servicio den tempo di guera como piloto militar a keda reconoci atrobe ora el a keda introduci den Texas Aviation Hall of Fame. Aunke el a keda honra cu hopi otro reconocemento pa su experiencia den petroleo y rancho, e tabata particularmente orguyoso di un premio di logronan di bida cu el a ricibi pa su defensa di derechonan civil den South Texas. A dun’e e honor aki aña pasá y a keda duna p’e capítulo fundadó di League of United Latin American Citizens (LULAC) na Corpus Christi. Su benevolencia pa otro y su deseo pa sosteni esnan den necesidad, a crea un ehempel pa otro sigui.
“E legado di Señor Wyatt, tanto den South Texas como hopi mas leu, lo sigui impactá hende y famianan pa decada y generacionnan cu ta bin,” Billy C. Wells, Presidente di Wyatt Ranches Foundation, a bisa. “E tabata di berdad y definitivamente un gigante.” Un tributo di video cu ta detaya su bida a keda prepara p’e honor di derechonan civil di LULAC di 2024 y por keda mira na www.wyattranches.com bou di e tab Founder’s Video Tribute.
Famia y entiero
Señor Wyatt ta keda presedí den morto pa su mayornan y su yiu homber, e defunto Carl Wyatt. E ta sobreviví pa su casa di 62 aña, Lynn Sakowitz Wyatt; su cuater yiu homber: Steven Wyatt, Douglas Wyatt, Oscar “Trey” Wyatt III, y Bradford Wyatt; y un yiu muhe, Christina Kremers-Wyatt.
Di acuerdo cu e deseonan expresa di Señor Wyatt, e servicionan funebre lo keda hací n’e Wyatt Ranches Cemetery, situa n’e Tasajillo Division of Wyatt Ranches, na Duval County, Texas, riba un fecha y ora cu lo keda anuncia.
